1. შესავალი დებულებები
1.1. წინამდებარე კონფიდენციალურობის პოლიტიკა განსაზღვრავს თქვენ მიერ ჩვენი ვებგვერდით https://gcwine.io/ (შემდგომში – „ვებგვერდი“) სარგებლობისას ჩვენი მხრიდან თქვენი პერსონალური მონაცემების შეგროვების, დაცვის, დამუშავების, გამოყენებისა და გადაცემის პირობებს.
1.2. ჩვენთვის თქვენი პერსონალური მონაცემების მოწოდებით ან/და ჩვენს ვებგვერდზე ან/და სერვისებზე წვდომით ან მათი გამოყენებით თქვენ ავტომატურად ეთანხმებით წინამდებარე კონფიდენციალურობის პოლიტიკას, ასევე ჩვენ მიერ თქვენი პერსონალური მონაცემების შეგროვებას, გამოყენებას, გამჟღავნებასა და დამუშავებას მოქმედი კანონმდებლობისა და წინამდებარე კონფიდენციალურობის პოლიტიკით განსაზღვრული პირობების შესაბამისად.
1.3. თუ არ ეთანხმებით წინამდებარე კონფიდენციალურობის პოლიტიკას, გთხოვთ, ნუ გააგრძელებთ ვებგვერდით სარგებლობას.
1.4. წინამდებარე კონფიდენციალურობის პოლიტიკას აქვს შემდეგი ფუნქციები:
1.4.1. განმარტავს როდის, რატომ და როგორ ვაგროვებთ და ვიყენებთ პერსონალურ ინფორმაციას იმ ადამიანების შესახებ, რომლებიც სტუმრობენ ჩვენს ვებგვერდსან იყენებენ ჩვენს სერვისებს.
1.4.2. განსაზღვრავს იმ პირობებს, რომელთა შესაბამისადაც ჩვენ შეიძლება გავუმჟღავნოთ თქვენი პირადი ინფორმაცია სხვებს.
1.4.3. განმარტავს, როგორ ვინარჩუნებთ თქვენს პირად ინფორმაციას უსაფრთხოდ, პერსონალურ მონაცემთა დაცვის შესახებ საქართველოს კანონის, ევროკავშირის პერსონალურ მონაცემთა დაცვის ზოგადი რეგულაციისა (შემდგომში – GDPR) და პერსონალურ მონაცემთა დაცვასთან დაკავშირებული სხვა მოქმედი კანონმდებლობის შესაბამისად.
1.5. ჩვენი ვებგვერდი შეიძლება შეიცავდეს ბმულებს, რომლებიც დაგაკავშირებენ სხვა ვებგვერდებთან. ეს ვებგვერდები არ არის ჩვენი საკუთრება და მათი მართვა არ ხდება ჩვენ მიერ. წინამდებარე კონფიდენციალურობის პოლიტიკა ვრცელდება მხოლოდ ჩვენს ვებგვერდზე. შესაბამისად, ჩვენი ვებგვერდიდან სხვა ვებგვერდ(ებ)ზე გადასვლისას, გთხოვთ, ყურადღებით წაიკითხოთ ამ ვებგვერდ(ებ)ის კონფიდენციალურობის პოლიტიკა (პოლიტიკები).
1.6. გთხოვთ, ყურადღებით წაიკითხოთ ჩვენი კონფიდენციალურობის პოლიტიკა, რათა მკაფიოდ გაიგოთ, თუ როგორ ვაგროვებთ, ვიყენებთ, ვამუშავებთ, ვიცავთ და გადავცემთ თქვენს პერსონალურ ინფორმაციას თქვენი მხრიდან ჩვენს ვებგვერდზე ვიზიტის განმავლობაში და შემდგომში.
2. რა სახის ინფორმაციას ვაგროვებთ და რა მიზნით ვიყენებთ მას?
2.1. ჩვენ ვიცავთ ყველა მოქმედ კანონს და რეგულაციას, რომელიც ეხება ჩვენი მხრიდან თქვენს პერსონალურ მონაცემებთან მოპყრობასთან დაკავშირებულ საკითხებს, მათ შორის, ჩვენ მიერ თქვენი პერსონალური მონაცემების შეგროვებას, დამუშავებას, გამოყენებას, გამჟღავნებასა და გადაცემას.
2.2. როდესაც სტუმრობთ ჩვენს ვებგვერდს, ჩვენი სერვერი თქვენი ვიზიტის შესახებ ავტომატურად აგროვებს/იწერს ისეთ დეტალებს, როგორებიცაა თქვენი IP მისამართი, ვებგვერდი, რომლიდანაც ჩვენს ვებგვერდს ესტუმრეთ, გამოყენებული ინტერნეტბრაუზერის ტიპი, მოწყობილობის ტიპი, რომელშიც აღნიშნული ბრაუზერია განთავსებული, ჩვენი ვებგვერდის ის კონკრეტული გვერდები, რომლებსაც ფაქტობრივად ესტუმრეთ და ჩვენს ვებგვერდზე თქვენი სტუმრობის თარიღი, დრო, ხანგრძლივობა და სხვა.
2.3. როდესაც რეგისტრირდებით ჩვენს ვებგვერდზე, ჩვენ ვაგროვებთ პერსონალურ მონაცემებს, რომელსაც თქვენ გვაწვდით ჩვენი ვებგვერდის მეშვეობით. თქვენ გვაწვდით თქვენს პერსონალურ მონაცემებს, როდესაც ახორციელებთ, მაგალითად, შემდეგ მოქმედებებს:
2.3.1. ჩვენს ვებგვერდზე შეგყავთ ისეთი პერსონალური მონაცემები, როგორებიცაა თქვენი სახელი, გვარი, სქესი, დაბადების თარიღი, ფაქტობრივი და იურიდიული საცხოვრებელი ადგილის მისამართი, პირადობის დამადასტურებელი დოკუმენტის ან პასპორტის მონაცემები, პირადობის დამადასტურებელი დოკუმენტის ან პასპორტის მოქმედების ვადა, ელ-ფოსტის მისამართი, ტელეფონის ნომერი, საფულის მისამართები;
2.3.2. ახდენთ თქვენი პირადობის დამადასტურებელი დოკუმენტის ან პასპორტის ატვირთვას ჩვენს ვებგვერდზე;
2.3.3. აკავშირებთ თქვენს საფულეს ჩვენს ვებგვერდთან;
2.3.4. ყიდულობთ GCW ტოკენს;
2.3.5. პასუხობთ გამოკითხვას;
2.3.6. ავსებთ სხვადასხვა ფორმას;
2.3.7. ათვალიერებთ ჩვენს ვებგვერდს;
2.3.8. იყენებთ ვებგვერდის სხვა ფუნქციებს.
2.4. ჩვენ ვახორციელებთ თქვენი პერსონალური მონაცემების, მათ შორის, თქვენი სახელის, გვარის, პირადი საიდენტიფიკაციო ნომრ(ებ)ის, საიდენტიფიკაციო ფოტოების, თქვენი სახის მაიდენტიფიცირებელი გამოსახულებებისა და ვიდეოების შეგროვებას, დამუშავებას, გამჟღავნებას და გადაცემას, რათა ჩვენ მიერ მიღწეულ იქნეს შემდეგი მიზნები (ქვემოთ მოცემული ჩამონათვალი არ არის ამომწურავი):
2.4.1. შესაბამისობაში ყოფნა კანონებთან, რეგულაციებთან, ჩვენს შიდა პოლიტიკებთან და პროცედურებთან, მათ შორის, აუდიტისა და ბუღალტრული აღრიცხვის განხორციელებით, რისკების მართვით და ჩანაწერების წარმოებით;
2.4.2. ჩვენი ვებგვერდის გამოყენებით, ასევე ჩვენი მხარდაჭერილი ან/და აქცეპტირებული ციფრული აქტივების, მათ შორის, GCW ტოკენისა და BNB-ის გამოყენებით ფულის გათეთრებისა და ტერორიზმის დაფინანსების შესაძლებლობის აღმოფხვრა;
2.4.3. ჩვენს წინაშე არსებული სამართლებრივი ვალდებულებების აღსრულება ან/და საჩივრებზე, სამარათლწარმოებებსა და ჩვენთან დაკავშირებით მიმდინარე გამოძიებებზე რეაგირება;
2.4.4. ნებისმიერი დავის გადაწყვეტა, საჩივრისა თუ პრეტენზიის განხილვა, ნებისმიერი რეალური ან საეჭვო უკანონო ან არამართლზომიერი ქცევის გამოძიება;
2.4.5. დაგეხმაროთ თქვენს შეკითხვებზე პასუხის მოძიებაში და რეაგირება მოვახდინოთ უკუკავშირებზე, საჩივრებზე, დავებსა და მოთხოვნებზე;
2.4.6. ადმინისტრაციული მიზნები, მათ შორის, IT-სთან, ფინანსებთან და HR-თან დაკავშირებული მიზნები, ხარისხის უზრუნველყოფა და პერსონალის ტრენინგი;
2.4.7. თქვენთვის ჩვენი პროდუქტების ან/და სერვისების მიწოდება;
2.4.8. თქვენთვის ჩვენი ვებგვერდის ან/და სერვის(ებ)ის გამოყენების ხელშეწყობა და გამარტივება;
2.4.9. ჩვენი ვებგვერდის ან/და სერვის(ებ)ის შენარჩუნება, მართვა და გაუმჯობესება, მათ შორის, ვებგვერდის ტექნიკური ადმინისტრირება, მისი კვლევა და განვითარება;
2.4.10. დავამუშაოთ თქვენ მიერ ჩვენი ვებგვერდის მეშვეობით განხორციელებული ტრანზაქციები;
2.4.11. მოგაწოდოთ სრულყოფილი ინფორმაცია ჩვენი პროდუქტების, სერვისების, ფუნქციებისა და პროგრამების შესახებ;
2.4.12. კლიენტისა და მომხმარებლის ადმინისტრირებასა და მარკეტინგთან დაკავშირებული მიზნები;
2.4.13. კვლევებისა და სტატისტიკური ანალიზის ჩატარება, მათ შორის, ახალი პროდუქტებისა და სერვისების შესაქმნელად ან/და ჩვენი არსებული პროდუქტებისა და სერვისების გასაუმჯობესებლად;
2.4.14. იმ მიზნებით, რომელთა შესახებაც შეიძლება გეცნობოთ თქვენი პერსონალური მონაცემების შეგროვებისას;
2.4.15. აქ დასახელებულ მიზნებთან დაკავშირებული ნებისმიერი სხვა გონივრული მიზნით.
2.5. ჩვენი მხრიდან თქვენი პერსონალური მონაცემების ნებისმიერი ფორმით გამოყენება მოხდება მხოლოდ იმ ზომით, რომელიც აუცილებელია წინა პუნქტში ჩამოთვლილი მიზნების მისაღწევად.
2.6. თქვენ აღიარებთ და ეთანხმებით, რომ ჩვენ შეგვიძლია შევაგროვოთ, გამოვიყენოთ, გავამჟღავნოთ და დავამუშავოთ თქვენი პერსონალური მონაცემები თქვენი ცოდნის ან თანხმობის გარეშეც, როდესაც ეს არის კანონით მოთხოვნილი ან ნებადართული.
2.7. თუ საჭირო იქნება თქვენი პერსონალური მონაცემების ჩვენ მიერ გამოყენება წინა პუნქტში ჩამოთვლილი მიზნებისგან განსხვავებული მიზნით, აღნიშნულის შესახებ შეტყობინება წინასწარ, მონაცემთა ნებისმიერი ფორმით გამოყენების დაწყებამდე გამოქვეყნდება ჩვენი სოციალური ქსელების გვერდებსა და არხებზე. თუ რეგისტრირებული და ვერიფიცირებული ხართ ჩვენს ვებგვერდზე, მაშინ აღნიშნულის შესახებ შეტყობინებას მიიღებთ ელ. ფოსტის მეშვეობითაც. შეტყობინებაში მოცემული იქნება თქვენი მონაცემების გამოყენების მიზანი/მიზნები და მონაცემთა დამუშავების პირობები. აუცილებლობის შემთხვევაში ჩვენ ასევე მოგმართავთ იმასთან დაკავშირებით, ხართ თუ არა თანახმა წინამდებარე პუნქტის შესაბამისად თქვენი პერსონალური მონაცემების ჩვენ მიერ გამოყენებაზე.
3. თქვენი პერსონალურ მონაცემთა დამუშავების სამართლებრივი საფუძვლები
3.1. ჩვენ მიერ თქვენი პერსონალურ მონაცემთა დამუშავების სამართლებრივი საფუძვლები არის შემდეგი:
3.1.1. პერსონალურ მონაცემთა დაცვის შესახებ საქართველოს კანონი;
3.1.2. GDPR;
3.1.3. პრივატულობისა და ელექტრონული კომუნიკაციების შესახებ ევროკავშირის 2002 წლის 31 ივლისის დირექტივა (შემდგომში – ePrivacy Directive);
3.1.4. პერსონალური მონაცემების ავტომატური დამუშავებისას ფიზიკური პირების დაცვის შესახებ სტრასბურგის 1981 წლის 28 იანვრის კონვენცია;
3.1.5. სხვა ნორმატიული აქტები;
3.1.6. ჩვენი სამართლებრივი ვალდებულებების შესრულება, მათ შორის, ჩვენთან დაკავშირებული ნებისმიერი სამართალწარმოების ფარგლებში;
3.1.7. თქვენი თანხმობა თქვენს პერსონალურ მონაცემთა დამუშავების შესახებ;
3.1.8. GCWine-სა და თქვენს შორის ან/და GCWine-სა და მის მომხმარებელს შორის დადებული ხელშეკრულების შესრულება, ასეთი ხელშეკრულების არსებობის შემთხვევაში;
3.1.9. ჩვენი ლეგიტიმური ბიზნეს-ინტერესების დაცვა.
4. თქვენი უფლებები თქვენს პერსონალურ მონაცემებთან დაკავშირებით თქვენ სარგებლობთ ქვემოთ ჩამოთვლილი უფლებებით თქვენს პერსონალურ მონაცემებთან დაკავშირებით:
4.1. იცოდეთ დამუშავებული მონაცემების სახეები და დამუშავების მიზნები. თქვენ უფლება გაქვთ, იცოდეთ იმ მონაცემთა სახეებისა და მათი დამუშავების მიზნების თაობაზე, რომლებსაც ვაგროვებთ თქვენს შესახებ.
4.2. თქვენს პერსონალურ მონაცემებზე წვდომა ან/და მათი გაცნობა. მოქმედი კანონმდებლობის, მათ შორის, პერსონალურ მონაცემთა დაცვის შესახებ საქართველოსკანონისა და GDPR-ის შესაბამისად, თქვენ გაქვთ შემდეგი უფლებები თქვენს პერსონალურ მონაცემებზე წვდომისა და მათი გაცნობის კუთხით:
4.2.1. გადაამოწმოთ, ვინახავთ თუ არა თქვენს პერსონალურ მონაცემებს;
4.2.2. გქონდეთ წვდომა ჩვენს ვებგვერდზე არსებულ თქვენს პერსონალურმონაცემებზე;
4.2.3. მოითხოვოთ ჩვენთან დაცული თქვენი პერსონალური მონაცემების ასლის გადმოცემა, მათ შორის, იმ მიზნით, რომ მონაცემთა სხვა დამმუშავებელს მისცეთ თქვენი პერსონალური მონაცემების გამოყენების შესაძლებლობა და, როდესაც შესაძლებელია, ჩვენი მხრიდან პირდაპირ მონაცემთა სხვა დამმუშავებლისთვის თქვენი პერსონალური მონაცემების გადაცემა;
4.2.4. მონაცემთა უსწორობის ან/და უზუსტობის შემთხვევაში მოითხოვოთ მონაცემთა გასწორება, განახლება, დამატება, დაბლოკვა, წაშლა ან/და განადგურება;
4.2.5. მოითხოვოთ თქვენი პერსონალური მონაცემების წაშლა, როდესაც აღარ არსებობს ჩვენი მხრიდან თქვენი მონაცემების დამუშავების აუცილებლობა სამართლებრივი თვალსაზრისით;
4.2.6. შეზღუდოთ წვდომა თქვენს პერსონალურ მონაცემებზე.
4.3. საჩივრის წარდგენა. თუ დაირღვევა თქვენს პერსონალურ მონაცემებთან მოპყრობის წესები, რომლებიც დადგენილია მოქმედი კანონმდებლობით, თქვენ უფლება გაქვთ, საჩივრით მიმართოთ საქართველოს პერსონალურ მონაცემთა დაცვის სამსახურს, რომელიც წარმოადგენს საქართველოში პერსონალურ მონაცემთა დაცვის სახელმწიფო ორგანოს.
საქართველოს პერსონალურ მონაცემთა დაცვის სამსახური
მისამართი: საქართველო, თბილისი, ნ. ვაჩნაძის N°7, 0105
ტელ: (+995 32) 242 1000,
ელ. ფოსტა: office@pdps.ge
თქვენ ასევე შეგიძლიათ სარჩელით მიმართოთ სასამართლოს.
4.4. მონაცემთა დამუშავების შეწყვეტის მოთხოვნა. თქვენ უფლება გაქვთ, ნებისმიერ დროს მოითხოვოთ ჩვენი მხრიდან თქვენს პერსონალურ მონაცემთა დამუშავების შეწყვეტა, მათ შორის, პირდაპირი მარკეტინგის მიზნით თქვენს პერსონალურ მონაცემთა დამუშავების შეწყვეტა.
4.5. მონაცემთა შემდგომი დამუშავების შეზღუდვა. თქვენ უფლება გაქვთ, მოითხოვოთ თქვენს პერსონალურ მონაცემთა შემდგომი დამუშავების შეზღუდვა, როდესაც არსებობს დავა თქვენი მონაცემების დამუშავებასთან ან/და სიზუსტესთან დაკავშირებით.
5. თქვენი პერსონალური მონაცემების გამოყენება მარკეტინგული და სარეკლამო მიზნებისთვის
5.1. როდესაც თქვენ რეგისტრირდებით ვებგვერდზე, ავტომატურად თანხმობას აცხადებთ, გამოიწეროთ ჩვენი საინფორმაციო ბიულეტენი, რაც ასევე მოიცავს ჩვენი მხრიდან თქვენთვის იმეილის მეშვეობით რეკლამების გამოგზავნას. თუ თქვენ არ გსურთ მიიღოთ რეკლამები და ინფორმაცია სიახლეების შესახებ, გთხოვთ, მოგვწეროთ ელ-ფოსტის საშუალებით და მოითხოვოთ სიახლეებისა და რეკლამების გამოწერის გაუქმება.
5.2. თუ არ გსურთ მიიღოთ მარკეტინგული ინფორმაცია ჩვენი პროგრამების, პროდუქტების, ფუნქციების ან სერვისების შესახებ, შეგიძლიათ ამის შესახებ მოგვწეროთ ელ-ფოსტის მეშვეობით და უარი თქვათ მარკეტინგულ კომუნიკაციებზე.
6. მონიტორინგი, თვალ-ყურის დევნება და ჩაწერა
6.1. ჩვენი ვებგვერდით სარგებლობა შეიძლება დაექვემდებაროს მონიტორინგს, თვალყურის დევნებას და ჩაწერას.
6.2. მონიტორინგი, თვალყურის დევნება და ჩაწერა ემსახურება 2.4. პუნქტში ჩამოთვლილი მიზნების მიღწევას.
6.3. ნებისმიერი პირი, რომელიც იყენებს ჩვენს ვებგვერდს, მკაფიოდ გამოხატავს თავის თანხმობას ასეთ მონიტორინგზე, თვალ-ყურის დევნებასა და ჩაწერაზე. თქვენ ვალდებული ხართ, გაეცნოთ ვებგვერდზე განთავსებული წესებისა და პირობების და კონფიდენციალურობისა და უსაფრთხოების პოლიტიკების მიმდინარე ვერსიებს ვებგვერდით სარგებლობის თითოეული შემთხვევისას.
7. როგორ ვაზიარებთ თქვენს პერსონალურ ინფორმაციას?
7.1. თქვენ თანხმობას აცხადებთ იმაზე, რომ ჩვენ უფლება გვაქვს, მოქმედი კანონმდებლობით დადგენილი წესების დაცვით, წინამდებარე კონფიდენციალურობის პოლიტიკის 2.4. პუნქტში მოცემული მიზნ(ებ)ის მისაღწევად, თქვენ მიერ ვებგვერდზე მოწოდებული ინფორმაცია, მათ შორის, თქვენი პერსონალური მონაცემები გავუმჟღავნოთ ან/და გადავცეთ ჩვენს თანამშრომლებს, აგრეთვე მესამე პირებს, მათ შორის, ჩვენს კონსულტანტებსა და პროფესიონალ მრჩეველებს, მომსახურების მომწოდებლებს, ჩვენს აფილირებულ პირებს (არსებობის შემთხვევაში) და მონაცემთა დამმუშავებლებს, რომლებიც სახელშეკრულებო საფუძველზე ჩვენი სახელით ახორციელებენ თქვენი პერსონალური მონაცემების დამუშავებას. ჩვენ ასევე შეგვიძლია თქვენ მიერ ვებგვერდზე მოწოდებული ინფორმაცია გადავამოწმოთ მესამე პირებთან.
7.2. ჩვენ არ ვყიდით თქვენს პერსონალურ ინფორმაციას სხვა პირებზე ან/და ორგანიზაციებზე. ჩვენ მხოლოდ იმისთვის ვაზიარებთ თქვენს პერსონალურ მონაცემებს, რათა მოგაწოდოთ ის პროდუქტები ან/და სერვისები, რომლებსაც თქვენ მოითხოვთ. ჩვენ მხოლოდ იმ ზომით ვაზიარებთ თქვენს პერსონალურ მონაცემებს, რა ზომით გაზიარებაზეც გვაქვს თქვენი თნხმობა.
7.3. ჩვენ ვაწვდით თქვენს პერსონალურ ინფორმაციას ჩვენს სანდო ბიზნეს პარტნიორებს, კომპანიებს ან მესამე პირებს, რომლებზეც ნაწილობრივ ან მთლიანად შეიძლება ვიყოთ დამოკიდებული თქვენთვის ჩვენი პროდუქტების ან/და სერვისების მიწოდებისას. როდესაც აღნიშნული პირები გვეხმარებიან თქვენთვის ჩვენი პროდუქტების ან/და სერვისების მიწოდებაში, მათ უწევთ თქვენი პერსონალურად მაიდენტიფიცირებელი ინფორმაციის დამუშავება. ჩვენ აღნიშნულ პირებთან გვაქვს დადებული ხელშეკრულებები იმის შესახებ, რომ მათ ჩვენი სახელით დაამუშაონ თქვენი პერსონალურად მაიდენტიფიცირებელი ინფორმაცია კონფიდენციალურობის მკაცრი დაცვით, მოქმედი კანონმდებლობისა და ამ კონფიდენციალურობის პოლიტიკის შესაბამისად.
7.4. ჩვენ შეიძლება გავაზიაროთ ისეთი ინფორმაცია პროდუქტ(ებ)ის ან/და მომსახურებ(ებ)ის შესახებ, რომელიც პოპულარობით სარგებლობს მომხმარებლებში, მხოლოდ სტატისტიკური და კვლევითი მიზნებისთვის, თუმცა არ იქნება შესაძლებელი იმ მომხმარებლების პერსონალურად იდენტიფიცირება, რომლებმაც მიიღეს ამ კვლევებში მონაწილეობა.
7.5. თქვენი პერსონალური მონაცემები ჩვენ მიერ შესაძლებელია გადაეცეს სახელმწიფო მარეგულირებელ ორგანოებს ან/და მათ მიერ უფლებამოსილ პირებს/ორგანიზაციებს, მოქმედი კანონმდებლობის, სასამართლო განჩინების ან ოფიციალური მოთხოვნის, სახელმწიფო მარეგულირებელი ორგანო(ები)ს ან/და მათ მიერ უფლებამოსილი პირების/ორგანიზაციების მიერ გამოცემული სამართლებრივი აქტ(ებ)ის/ინსტრუქცი(ებ)ის საფუძველზე და ნორმატიული აქტ(ებ)ით დადგენილი მიზნების შესაბამისად ან მოქმედი კანონმდებლობის შესაბამისად წარმართული ნებისმიერი მსგავსი პროცესის საფუძველზე.
7.6. წინა პუნქტში მოცემული დებულება ვრცელდება, მათ შორის, მაშინ, როდესაც არსებობს საფუძვლიანი ეჭვი, რომ შემჩნეული ხართ რაიმე კანონსაწინააღნდეგო ქმედებაში, ან მიღებული გაქვთ მონაწილეობა საეჭვო ტრანზაქციებში, როგორიცაა ფულის გათეთრება ან ნებისმიერი უკანონო მომსახურების გაწევა ან/და ასეთი მომსახურების სანაცვლოდ ფულის ან/და სხვა აქტივის გადახდა ან/და გადაცემა. ასეთ შემთხვევებში ჩვენ სასამართლოს ან სხვა უფლებამოსილი ორგანოს საბოლოო გადაწყვეტილების გამოტანამდე შევაჩერებთ თქვენს ანგარიშს. თქვენი ბრალის დამტკიცების შემთხვევაში თქვენი ანგარიში გაუქმდება სამუდამოდ.
7.7. წინამდებარე კონფიდენციალურობის პოლიტიკის 2.4. პუნქტში მოცემული მიზნების მისაღწევად თქვენ მიერ ჩვენთვის მოწოდებული თქვენი პერსონალური მონაცემები შეიძლება გადაეცეს მესამე პირებს, ორგანიზაციებს, სახელმწიფო მარეგულირებელ ორგანოებს ან/და მათ მიერ უფლებამოსილ პირებს იმ ქვეყნებში, სადაც მოქმედებს პერსონალურ მონაცემთა დაცვის ადეკვატური წესები და სტანდარტები, რომლებიც არ არის იმაზე დაბალი, ვიდრე ეს დადგენილია GDPR-ით და პერსონალურ მონაცემთა დაცვის შესახებ საქართველოს კანონით. თუ სხვა ქვეყანაში/ქვეყნებში პერსონალური მონაცემები არ არის დაცული ისეთსავე დონეზე, როგორც ევროკავშირსა და საქართველოში, GCWine მაინც უზრუნველყოფს ამ ქვეყანაში/ქვეყნებში თქვენი პერსონალური მონაცემების ადეკვატურ დაცვას, მათ შორის, სათანადო ხელშეკრულებ(ებ)ის გაფორმებით პერსონალურ მონაცემთა დაცვაში სპეციალიზებულ მესამე პირებთან, რომლებსაც აქვთ შესაბამისი აკრედიტაცია ისეთ ქვეყნებში, რომლებშიც პერსონალური მონაცემები ადეკვატურადაა დაცული. თქვენ მიერ ვებგვერდით სარგებლობა ან ვებგვერდისთვის თქვენი პერსონალური მონაცემების მიწოდება მიიჩნევა თქვენი პერსონალური მონაცემების ასეთ გადაცემაზე თქვენს თანხმობად.
8. თქვენი პერსონალური მონაცემების შენახვა
8.1. თქვენს ანგარიშთან დაკავშირებული ინფორმაცია, მათ შორის, თქვენი პერსონალური მონაცემები შეინახება მანამ, სანამ:
8.1.1. აღარ იქნება საჭირო თქვენთვის ჩვენი სერვისების მიწოდება;
8.1.2. თავად არ მოგვთხოვთ მის წაშლას ან თქვენი ანგარიში არ წაიშლება;
8.1.3. ოფიციალურად არ დამთავრდება სამართალწარმოება, სამართალწარმოების არსებობის შემთხვევაში, რათა უზრუნველყოფილ იქნეს შესაბამისი ინფორმაციის აღრიცხვა აღნიშნული სამართალწარმოების ფარგლებში.
8.2. გარდა ამისა, ჩვენ შეიძლება წაშლილი ანგარიშ(ებ)იდან შევინარჩუნოთ ინფორმაცია, მათ შორის, თქვენი პერსონალური მონაცემები, კანონის დასაცავად, თაღლითობის თავიდან ასაცილებლად, გამოძიებებში დასახმარებლად, ჩვენი ვებგვერდის გამოყენების წესებისა და პირობების აღსასრულებლად და კანონით ნებადართული სხვა ქმედებების განსახორციელებლად. ჩვენ მიერ შენახული ინფორმაცია, მათ შორის, თქვენი პერსონალური მონაცემები, დამუშავდება მოქმედი კანონმდებლობისა და ამ კონფიდენციალურობის პოლიტიკის შესაბამისად.
9. უსაფრთხოება
9.1. ჩვენ ვიღებთ ჩვენს გონივრულ კონტროლქვეშ არსებულ ყველა ზომას, რომელიც თქვენი პერსონალური მონაცემების უსაფრთხოების დასაცავად არის აუცილებელი. ჩვენ უზრუნველვყოფთ, რომ ჩვენი ვებგვერდი დაცული იყოს უსაფრთხოების გონივრული ზომებით, რომლებიც გათვალისწინებულია ამჟამინდელი ტექნოლოგიებით. ჩვენ გირჩევთ, ხშირად შეცვალოთ პაროლი და არ გამოიყენოთ ერთი და იგივე პაროლი სხვადასხვა ვებგვერდისთვის, ასევე გირჩევთ, არ გადასცეთ ნებისმიერი სახის პირადი ინფორმაცია, პერსონალური მონაცემები ან/და სხვა სახის საიდენტიფიკაციო ინფორმაცია სხვა მომხმარებლებს. ასეთ შემთხვევაში ჩვენ ვერ გვექნება შესაძლებლობა, დავიცვათ თქვენი ის კონფიდენციალური ინფორმაცია, რომელსაც გადასცემთ სხვა მომხმარებლებს.
9.2. სამწუხაროდ, ინტერნეტზე დაფუძნებული არცერთი სერვისი არ არის სრულიად უსაფრთხო. ამიტომ ჩვენ ვერ ვიძლევით სრულ გარანტიას თქვენ მიერ ვებგვერდისთვის გადაცემული მონაცემების უსაფრთხოებაზე. ნებისმიერი პირადი ინფორმაციის გადაცემა თქვენი რისკის ქვეშაა და ჩვენ ამ კუთხით არ დაგვეკისრება არანაირი სახის პასუხისმგებლობა, ხოლო თქვენ არ წარმოგეშობათ ჩვენს მიმართ რაიმე სახის მოთხოვნის უფლება. თქვენგან პერსონალური მონაცემების მიღების შემდეგ ჩვენ ვიყენებთ უსაფრთხოების მკაცრ პროცედურებსა და ფუნქციებს, რათა თავიდან ავიცილოთ არაავტორიზებული წვდომა ჩვენს ვებგვერდზე ან/და მასზე განთავსებულ ნებისმიერ ისეთ ინფორმაციაზე, რომლის მოდიფიცირებამ ან/და დაკარგვამ შესაძლოა მოგაყენოთ ზიანი თქვენ ან/და ჩვენ. აღნიშნულის მიუხედავად, თუ ასეთი ზიანი მაინც მოგადგებათ, ჩვენ არ ვიქნებით ამაზე პასუხისმგებელი, ხოლო თქვენ არ წარმოგეშობათ ჩვენს მიმართ რაიმე სახის მოთხოვნის უფლება, რადგან ასეთი ზიანის თავიდან აცილება იქნება ჩვენს გონივრულ კონტროლს მიღმა. მავნე პროგრამების რეგულარული სკანირების გამოყენების გარდა, თქვენი პერსონალური მონაცემები უსაფრთხოდ ინახება დაცულ ქსელებში და ხელმისაწვდომია მხოლოდ შეზღუდული რაოდენობის 10 პირებისთვის, რომლებსაც აქვთ წვდომის სპეციალური უფლებები ამ სისტემებზე და ეკისრებათ მონაცემთა კონფიდენციალურობის დაცვის ვალდებულება.
9.3. ჩვენ ნაწილობრივ ვართ დამოკიდებული მესამე მხარეების ადგილმდებარეობასა და მონაცემთა ცენტრების ობიექტებზე. ჩვენი ინფრასტრუქტურის ქსელი ნაწილობრივ დაფუძნებულია სერვერებზე, რომლებიც არის მესამე მხარეების საკუთრებაში ან რომლებიც განთავსებულია მესამე მხარეების ლოკაციებზე ან/და სერვერებზე, რომლებიც შეიძლება მათ დაიქირაონ მესამე მხარის მონაცემთა ცენტრის ობიექტებში. ეს ობიექტები ასევე არ არის სრულად დაცული დაზიანებებისა და შეფერხებებისგან, მათ შორის, ბუნებრივი კატასტროფების, ხანძრის, ტერორისტული თავდასხმების, ელექტროენერგიის დაკარგვისა და სატელეკომუნიკაციო საშუალებებისა თუ რესურსების უკმარისობისგან. გარდა ამისა, ასეთი ობიექტების მომწოდებელმა მესამე მხარეებმა შეიძლება განიცადონ უსაფრთხოების დარღვევა სხვა პირთა ქმედებების, თანამშრომლის შეცდომის, არასწორი მოქმედების ან სხვა მიზეზით და უცხო პირ(ებ)მა შეიძლება მოიპოვოს არაავტორიზებული წვდომა ასეთ სერვერებზე არსებულ მონაცემებზე. ვინაიდან სისტემებზე არასანქცირებული წვდომის მისაღებად ან დივერსიისთვის გამოყენებული ტექნიკა ხშირად იცვლება და, როგორც წესი, მისი ამოცნობა შეუძლებელია სამიზნის წინააღმდეგ მის გაშვებამდე, ასეთი ობიექტების პროვაიდერებმა შეიძლება ვერ შეძლონ, წინასწარ ამოიცნონ ეს ტექნიკა ან განახორციელონ ადეკვატური პრევენციული ზომები. შესაბამისად, ჩვენ არ დაგვეკისრება არანაირი პასუხისმგებლობა, ხოლო თქვენ არ წარმოგეშობათ ჩვენ მიმართ რაიმე სახის მოთხოვნის უფლება იმ ზიანის, მათ შორის, თქვენი პერსონალური მონაცემების უსაფრთხოების დარღვევის ან/და მათზე მესამე პირების მხრიდან არაავტორიზებული წვდომის გამო, რომელიც შეიძლება მოგადგეთ ამ პუნქტში აღწერილი, მათ შორის, ნებისმიერი ასეთი დაზიანების, შეფერხების ან/და მონაცემებზე მესამე პირთა არაავტორიზებული წვდომის გამო, რამდენადაც ეს ზიანი გამოწვეული იქნება ჩვენს გონივრულ კონტროლს მიღმა მყოფი მიზეზებით.
10. ე.წ ქუქი ფაილების გამოყენება
10.1. ზოგადი ინფორმაცია
10.1.1. ჩვენ ვიყენებთ ე.წ ქუქი ფაილებს, პიქსელის თეგებს, გრაფიკულ გამოსახულებებს, მობილური მოწყობილობების საიდენტიფიკაციო ნომრებს, აგრეთვე სხვა მსგავს ფაილებსა და ტექნოლოგიებს იმისთვის, რომ შევაგროვოთ და შევინახოთ ინფორმაცია, რომელსაც ავტომატურად ვაგროვებთ თქვენი კომპიუტერისა თუ მოწყობილობის, აგრეთვე ჩვენი ვებგვერდის (მის ყველა ქვედომენთან და მობილურ ვერსიებთან, ასევე მათთან დაკავშირებულ აპლიკაციებთან ერთად) გამოყენების შესახებ. ქვემოთ მოგაწვდით ინფორმაციას ქუქი ფაილებისა და იმის შესახებ, თუ როგორ აკონტროლოთ ეს ფაილები.
10.1.2. თუ არ ხართ თანახმა თქვენი მხრიდან ვებგვერდით სარგებლობისას ჩვენ მიერ ქუქი ფაილების გამოყენებაზე, შეგიძლიათ გამორთოთ ისინი ჩვენს ვებგვერდზე შემოსვლის დროს ნაჩვენები ქუქი-ების ბმულის მეშვეობით ან თქვენი ბრაუზერის პარამეტრების იმგვარად შეცვლით, რომ ვებგვერდის ქუქი ფაილები აღარ განთავსდეს თქვენს კომპიუტერში ან მობილურ მოწყობილობაში.
10.2. რა არის ქუქი ფაილები?
10.2.1. ქუქი ფაილები (Cookies) არის ტექსტური ფაილები, რომლებიც შეიცავს მცირე მოცულობის ინფორმაციას და რომლებიც ჩამოიტვირთება თქვენს კომპიუტერში ან მობილურ მოწყობილობაში, როდესაც შედიხართ კონკრეტულ ვებგვერდზე. შედეგად, თითოეული ვიზიტის დროს, ქუქი-ფაილები იგზავნება უკან იმ ვებგვერდზე, საიდანაც მომდინარეობს ისინი, ან გადაინაცვლებს სხვა ვებგვერდზე, რომელიც ცნობს ამ ქუქიფაილს. ქუქი-ფაილები ფართოდ გამოიყენება იმ მიზნით, რომ ვებგვერდი ფუნქციონირებდეს უფრო ეფექტურად, აგრეთვე უზრუნველყოს ინფორმაციის მიწოდება ვებგვერდის მესაკუთრეებისთვის.
10.2.2. ქუქი ფაილები მრავალ ფუნქციას ასრულებენ, მათ შორის, გვეხმარებიან გვერდებს შორის ეფექტურ ნავიგაციაში, იმახსოვრებენ, თუ რას ვანიჭებთ უპირატესობას და ზოგადად, აუმჯობესებენ მომხმარებლის გამოცდილებას. მაგალითად, ქუქი ფაილებმა შეიძლება მიგანიშნონ იმის შესახებ, რომ ადრეც იყავით ვებგვერდზე, ან ხართ ამ ვებგვერდის ახალი ვიზიტორი. ისინი აგრეთვე უზრუნველყოფენ, რომ რეკლამები, რომლებსაც ხედავთ ინტერნეტში, იყოს უფრო მეტად რელევანტური თქვენთვის და თქვენი ინტერესებისთვის.
10.2.3. არსებობს ქუქი ფაილების ორი კატეგორია:
10.2.3.1. პირველი მხარის ქუქი ფაილები, რომლებიც იგზავნება ჩვენ მიერ თქვენს კომპიუტერზე ან მობილურ მოწყობილობაზე;
10.2.3.2. მესამე მხარის ქუქი ფაილები, რომელიც მოწოდებულია ჩვენთვის მესამე მხარის მიერ. ჩვენ ვიყენებთ მესამე მხარის ქუქი ფაილებს ფუნქციონალობის, ეფექტურობის / ანალიზის, რეკლამისა და სოციალური მედიის მიზნებისთვის.
10.2.4. ქუქი ფაილები შეიძლება დარჩეს თქვენს კომპიუტერში ან მობილურ მოწყობილობაში დროის სხვადასხვა ხანგრძლივობით.
10.2.5. ზოგიერთი ქუქი ფაილი არის „სესიის ქუქი“, რაც იმას ნიშნავს, რომ ისინი არსებობენ მხოლოდ მაშინ, როდესაც თქვენი ბრაუზერი გახსნილია. სესიის ქუქი ფაილები ავტომატურად წაიშლება, როგორც კი დახურავთ ბრაუზერს.
10.2.6. სხვა ქუქი ფაილები არის “მუდმივი ქუქი ფაილები”, რაც იმას ნიშნავს, რომ ისინი არსებობენ მას შემდეგაც, როდესაც თქვენი ბრაუზერი დაიხურება. მუდმივი ქუქი ფაილები შეიძლება გამოყენებული იყოს ვებგვერდის მიერ თქვენი კომპიუტერის ამოსაცნობად, როდესაც გახსნით ბრაუზერს და კვლავ შეხვალთ ვებგვერდზე.
10.3. როგორ ვიყენებთ ქუქი ფაილებს?
10.3.1. ჩვენ ვიყენებთ ქუქი ფაილებს შემდეგი მიზნებით:
10.3.1.1. ვაწარმოოთ ვებგვერდის ეფექტურობის მონიტორინგი და მუდმივად გავაუმჯობესოთ ის;
10.3.1.2. უზრუნველვყოთ ვებგვერდის მორგება მომხმარებლის მოთხოვნებზე და ამგვარად უკეთ მოვემსახუროთ მომხმარებლებს;
10.3.1.3. ვებგვერდზე იმუშაოს ავტორიზაციის ფუნქციამ;
10.3.1.4. თვალი ვადევნოთ ვიზიტორთა გადაადგილების თავისებურებებს და ნაკადსვებგვერდზე;
10.3.1.5. გვქონდეს ინფორმაცია ვებგვერდის ვიზიტორთა საერთო რაოდენობის შესახებ;
10.3.1.6. ვიცოდეთ, თუ რა ტიპის ინტერნეტ ბრაუზერს და ოპერაციულ სისტემებს იყენებენ ვებგვერდის ვიზიტორები;
10.3.1.7. საშუალება მივცეთ მესამე მხარეებს, განათავსონ რეკლამები როგორც ამ ვებგვერდზე, ისე მის ფარგლებს გარეთ.
10.3.2. ჩვენ ვიყენებთ სხვადასხვა კომპანიის თეგებს ქუქი ფაილებთან ერთად კომბინაციაში. თეგი არის ისეთი სახის ტექნოლოგია, რომელიც განთავსდება ვებგვერდზე ან ელფოსტის შიგნით, რათა თვალი ვადევნოთ ვებგვერდზე მიმდინარე მოქმედებებს. ჩვენ ვიყენებთ თეგებიდან შეგროვებულ ინფორმაციას ქუქი ფაილებიდან მიღებულ ინფორმაციასთან ერთად, რათა გავაუმჯობესოთ მომხმარებელთა გამოცდილება და ჩვენი სერვისების საერთო ხარისხი.
10.4. ქუქი ფაილების ტიპები, რას აკეთებენ ისინი და როგორ წავშალოთ ან დავბლოკოთ ქუქი ფაილები?
10.4.1. ქუქი ფაილები, რომლებსაც ვიყენებთ ჩვენ და ჩვენი პარტნიორები ვებგვერდთან მიმართებით, შეიძლება იყოს შემდეგი ოთხი კატეგორიიდან რომელიმე:
10.4.1.1. ძირითადი ქუქი ფაილები;
10.4.1.2. ფუნქციონალობის ქუქი ფაილები;
10.4.1.3. შესრულების ხარისხის/მონაცემთა ანალიზის ქუქი ფაილები;
10.4.1.4. სოციალური მედიის ქუქი ფაილები
10.4.2. ძირითადი ქუქი ფაილები
ძირითადი ქუქი ფაილები არსებით როლს ასრულებენ, რომ უზრუნველვყოთ ვებგვერდის გამართულობა და ნებისმიერი სერვისი ამ ვებგვერდის საშუალებით, აგრეთვე გამოვიყენოთ ზოგიერთი მისი ფუნქცია, როგორიცაა დაცულ არეებზე წვდომა. ძირითადი ქუქი ფაილების გარეშე არ იქნებოდა ხელმისაწვდომი ისეთი სერვისები, როგორებიცაა ტრანზაქციული გვერდები და შესვლის დაცული ანგარიშები.
10.4.3. ფუნქციონალობის ქუქი ფაილები
ფუნქციონალობის ქუქი ფაილები იწერენ ინფორმაციას თქვენი პრიორიტეტების შესახებ. ეს საშუალებას გვაძლევს, ვებსაიტი მოვარგოთ თქვენს ინტერესებს. ამ ქუქი ფაილების არსი იმაში მდგომარეობს, რომ როდესაც თქვენ აგრძელებთ ვებგვერდის გამოყენებას ან უკან ბრუნდებით ვებგვერდზე, ჩვენ შეგვიძლია უზრუნველვყოთ სერვისების თქვენთვის მოწოდება ისეთი სახით, როგორც თქვენ მოითხოვთ. მაგალითად, ეს ქუქი ფაილები საშუალებას გვაძლევს, აღვრიცხოთ, როდესაც შედიხართ სისტემაში და შევინახოთ წვდომის თქვენ მიერ შერჩეული ვარიანტები, ასევე დავიმახსოვროთ პარამეტრები, რომლებიც გამოიყენეთ.
10.4.4. ეფექტურობის /მონაცემთა ანალიზის ქუქი ფაილები
ამ ტიპის ქუქი ფაილებს ვიყენებთ შემდეგი მიზნებით:
10.4.4.1. გავითვალისწინოთ და გავაანალიზოთ თუ როგორ ხდება მომხმარებლების ვებგვერდზე წვდომა, მისი გამოყენება ან როგორია მისი ეფექტურობა მომხმარებლებისთვის;
10.4.4.2. განვსაზღვროთ ვებგვერდის ინდივიდუალურ მომხმარებელთა რაოდენობა;
10.4.4.3. მოვახდინოთ იმ მოწყობილობების იდენტიფიკაცია, რომლებსაც იყენებენ ვებგვერდის ვიზიტორები;
10.4.4.4. შევაგროვოთ ინფორმაცია თუ სად იმყოფებიან ვიზიტორები და რომელ ბრაუზერს იყენებენ;
10.4.4.5. ჩავატაროთ კვლევა შეთავაზებული პროდუქტების გასაუმჯობესებლად და გავაუმჯობესოთ კონტენტის წარმოდგენა.
10.4.5. სოციალური მედიის ქუქი ფაილები
მესამე მხარეებს, რომლებიც უზრუნველყოფენ აპლიკაციებს ჩვენი ვებგვერდის საშუალებით, შეუძლიათ განათავსონ თავიანთი ანონიმური ქუქი ფაილები ვებგვერდის ზოგიერთ გვერდზე იმ მიზნით, რომ თვალი ადევნონ თავიანთი აპლიკაციების წარმატებას ან მოარგონ აპლიკაციები თქვენს ინტერესებს. მაგალითად, როდესაც თქვენ აზიარებთ სტატიას სოციალური მედიის (მაგ: Twitter ან Facebook ან სხვა) გაზიარების ღილაკის საშუალებით, რომელიც მოცემულია ჩვენს ვებგვერდზე, ის სოციალური ქსელი, რომელმაც შექმნა ეს ღილაკი, ჩაიწერს, რომ თქვენ განახორციელეთ ასეთი მოქმედება. ქუქი-ფაილების მუშაობის პრინციპებიდან გამომდინარე, ჩვენ არ გვაქვს წვდომა ამ ქუქი ფაილებზე და არც მესამე მხარეებს აქვთ წვდომა ჩვენ მიერ გამოყენებული ქუქი ფაილების მონაცემებზე. ჩვენი ვებგვერდის ზოგიერთი გვერდი შეიძლება შეიცავდეს აგრეთვე ჩასმულ კონტენტს, როგორიცაა ვიდეო კონტენტი YouTube-დან. ეს ვებგვერდები შეიძლება იყენებდნენ თავიანთ ქუქი ფაილებს. შესაბამისად, გთხოვთ, გაეცნოთ მათ კონფიდენციალურობის პოლიტიკებს
10.5. თქვენ უფლება გაქვთ, მიიღოთ ან არ მიიღოთ ქუქი ფაილები. მიუხედავად ამისა, გთხოვთ, გაითვალისწინოთ, რომ თუ აირჩევთ ქუქი ფაილების უარყოფას, თქვენ ვეღარ შეძლებთ ჩვენი ვებგვერდის სრული ფუნქციონალობით სარგებლობას. ბრაუზერების უმრავლესობა საშუალებას იძლევა, შეცვალოთ ქუქი ფაილების პარამეტრები თქვენს მოწყობილობაში. ეს პარამეტრები, როგორც წესი, მოცემულია თქვენი ბრაუზერის „Options“, ან „Preferences“ სექციაში.
10.6. თუ განაგრძობთ ჩვენი ვებგვერდის გამოყენებას, ამით თანხმობას განაცხადებთ ქუქი ფაილების ჩაწერაზე თქვენს მოწყობილობაში. თუ აირჩევთ, რომ არ მიიღოთ ქუქი ფაილები, ჩვენ ვერ მოგცემთ იმის გარანტიას, რომ ვებგვერდის გამოყენებას ისევე სრულყოფილად შეძლებთ, როგორც ქუქი ფაილების მიღების შემთხვევაში.
11. ინფორმაცია 18 წელს მიუღწეველი პირების შესახებ
11.1. ჩვენ შეგნებულად არ ვაგროვებთ პერსონალურ ინფორმაციას და არ ვემსახურებით იმ პირებს, რომელთაც 18 წლის ასაკისთვის არ მიუღწევიათ.
11.2. ჩვენი ვებგვერდის მეშვეობით პერსონალური მონაცემების გადაცემამდე 18 წელს მიუღწეველმა პირებმა უნდა მოიპოვონ და წარმოადგინონ ნებართვა მშობლებისგან ან კანონიერი წარმომადგენლებისგან.
11.3. ჩვენი ვებგვერდის ან/და სერვის(ებ)ის გამოყენებით, თქვენ ადასტურებთ, რომ ხართ მინიმუმ 18 წლის.
12. ცვლილებები კონფიდენციალურობის პოლიტიკაში
12.1. შპს საქართველო ღვინის აკვანმა შესაძლოა საჭიროებისამებრ დროდადრო შეცვალოს ან/და განაახლოს წინამდებარე კონფიდენციალურობის პოლიტიკა. ასეთი ცვლილებებისა და განახლებების შესახებ შეტყობინებები გამოქვეყნდება ჩვენს სოციალური ქსელების გვერდებსა და არხებზე. შესაძლო ცვლილებებისა და განახლებების თაობაზე ინფორმირებულობის მიზნით, გთხოვთ, რეგულარულად გაეცნოთ წინამდებარე კონფიდენციალურობის პოლიტიკას.
12.2. თუ შეცვლით თქვენს მონაცემებს, მათ შორის, ელ-ფოსტის მისამართს, საკონტაქტო ნომერს ან სახელს, გთხოვთ, ნებისმიერი აღნიშნული ცვლილების თაობაზე შეგვატყობინოთ ელექტრონული ფოსტის – support@gcwine.io საშუალებით და მოგვაწოდოთ სწორი დეტალები.
12.3. წინამდებარე კონფიდენციალურობის პოლიტიკის ბოლო აბზაცი მიანიშნებს იმ თარიღს, თუ როდის მოხდა პოლიტიკის უკანასკნელი განახლება.
13. ვერიფიკაცია
13.1. თუ გსურთ, იყიდოთ 1 BNB-ზე მეტი და მაქსიმუმ 10 BNB-ის ღირებულების GCW ტოკენი, აუცილებელია გაიაროთ ვერიფიკაცია ჩვენს ვებგვერდზე. ვერიფიკაციისთვის აუცილებელია, განახორციელოთ გარკვეული მოქმედებები, რაც, მათ შორის, მოიცავს თქვენი პირადი მონაცემების ჩვენთვის მოწოდებას.
13.2. ვერიფიკაციისთვის აუცილებელია, განახორციელოთ შემდეგი მოქმედებები:
13.2.1. დარეგისტრირდეთ ჩვენს ვებგვერდზე, რაც გულისხმობს თქვენი მხრიდან მომხმარებლის ანგარიშის შექმნას: უნდა მიუთოთოთ თქვენი ელ. ფოსტა, აირჩიოთ თქვენი მომხმარებლის სახელი (username) და შექმნათ პაროლი;
13.2.2. ვებგვერდზე შესაბამის ველებში მიუთითოთ თქვენი სქესი (სურვილის შემთხვევაში), სახელი, გვარი, დაბადების თარიღი, მოქალაქეობა, ქვეყანა, რომელშიც ცხოვრობთ და თქვენი საცხოვრებელი მისამართი, პასპორტის ან პირადობის მოწმობის ნომერი, თქვენი საფულის მისამართი;
13.2.3. აგრეთვე ვებგვერდზე უნდა ატვირთოთ მისამართის დამადასტურებელი დოკუმენტი, პასპორტის ან პირადობის მოწმობა ისე, რომ მკაფიოდ ჩანდეს პასპორტის ან პირადობის მოწმობის, მათ შორის, ნომერი და მოქმედების ვადა, ფოტოსურათი-სელფი, რომელშიც მკაფიოდ ჩანს თქვენი სახე და პასპორტი ან პირადობის მოწმობა, რომელიც გიჭირავთ ხელში, მათ შორის პასპორტის ან პირადობის მოწმობის ყველა ისეთი ნიშანი, რომელიც დატანილია პასპორტის შესაბამის გვერდ(ებ)ზე ან პირადობის მოწმობაზე და იძლევა პასპორტის ან პირადობის მოწმობის ნამდვილობისა და ლეგალურობის დადგენის საშუალებას.
13.2.4. მოქალაქეობის არმქონე პირებს შეუძლიათ ვერიფიკაცია გაიარონ იმ ქვეყნის ბინადრობის უფლების დამადასტურებელი დოკუმენტის ატვირთვით, რომლის ტერიტორიაზეც იმყოფებიან. მოქალაქეობის არმქონე პირების შემთხვევაში თუ ისინი ვერიფიკაციის გავლის შემდეგ შემოვლენ ჩვენს ვებგვერდზე ამერიკის შეერთებული შტატების ან/და ისეთი სახელმწიფოს ტერიტორიიდან, სადაც მოქალაქეობის არმქონე მომხმარებელს არ აქვს ლეგალური ყოფნის უფლება ან/და ისეთი სახელმწიფოს ტერიტორიიდან, რომელიც ჩვენი ვებგვერდის წესებისა და პირობების მიხედვით წარმოადგენს გამორიცხულ იურისდიქციას, აღნიშნული იქნება ჩვენს გონივრულ კონტროლს მიღმა და ჩვენ არ დაგვეკისრება არანაირი პასუხისმგებლობა, რამდენადაც მოქმედი კანონმდებლობის საფუძველზე გვეკრძალება, ჩვენი ვებგვერდის მომხმარებელი ვაიძულოთ, ჩვენს ვებგვერდზე შემოსვლისას ჩართოს მისი ლოკაცია (ანუ მოგვაწოდოს ინფორმაცია ჩვენი ვებგვერდის გამოყენების მომენტში მისი ფაქტობრივი გეოგრაფიული ადგილსამყოფელის შესახებ).
13.3. ვერიფიკაციის აღნიშნული პროცედურების მიზანია, გვქონდეს თქვენ შესახებ მაქსიმალურად ამომწურავი ინფორმაცია, რათა დავიცვათ ფულის გათეთრებისა და ტერორიზმის დაფინანსების საწინააღმდეგო ნორმატიული აქტები, შევძლოთ სამართალდამცავ ორგანოებთან ეფექტურად თანამშრომლობა დანაშაულის ჩადენის რეალური ან სავარაუდო არსებობის შემთხვევაში, აგრეთვე დავემორჩილოთ სასამართლოს ან/და დავების განმხილველი სხვა ორგანოს გადაწყვეტილებებს ან/და განჩინებებს ან/და, ზოგადად, სხვა სახელმწიფო ორგანოების ოფიციალურ მოთხოვნებსა თუ განცხადებებს
13.4. ვერიფიკაციის მიზნით თქვენი მონაცემების დამუშავების ხანგრძლივობა შეადგენს მაქსიმუმ 5 (ხუთ) სამუშაო დღეს.
13.5. ვერიფიკაციის წარმატებით გავლის შემდეგ ვერიფიკაციის ფანჯარაში დაიწერება, რომ თქვენ წარმატებით გაიარეთ ვერიფიკაცია. თქვენი საფულის მისამართი დაემატება თეთრ სიას, რომლის მეშვეობითაც მოგეცემათ უფლება, იყიდოთ მაქსიმუმ 10 BNB-ის ღირებულების GCW ტოკენი.
13.6. ვერიფიკაციის წარუმატებლად გავლისას ვერიფიკაციის ფანჯარაში დაიწერება მიზეზ(ებ)ი თუ რატომ იყო წარუმატებელი თქვენი ვერიფიკაცია. ამ მიზეზების აღმოსაფხვრელად თქვენ შეძლებთ თავიდან გააგზავნოთ შესწორებული ინფორმაცია.
14. კითხვები
14.1. ნებისმიერი შეკითხვა, რომელიც გაგიჩნდებათ ამ კონფიდენციალურობის პოლიტიკასთან დაკავშირებით უნდა გამოაგზავნოთ შემდეგ ელფოსტის მისამართზე: support@gcwine.io
14.2. კომპანიის პერსონალურ მონაცემთა დამმუშავებელი:
უშანგი მატიაშვილი
ceofunder@gcwine.io
15. წინამდებარე კონფიდენციალურობის პოლიტიკის ძალაში შესვლა
15.1. წინამდებარე კონფიდენციალურობის პოლიტიკა ძალაში შედის 2023 წლის 22 აპრილს .